മുജീബ് റഹ്മാൻ എ
Published: 10 March 2024 കവിത
കപ്പലോട്ടക്കാരനോട്
ഒരു ചോദ്യം
പുക
പുകക്കുഴൽ
കപ്പൽ
ഭൂമി ഉരുണ്ടതാണെന്ന്
പഠിച്ചത്
ഈ രൂപകങ്ങൾ കൊണ്ടായിരുന്നു.
കാറ്റു പിടിച്ച്
കാറും കോളും ഭേദിച്ച്
തിരകളെ വകഞ്ഞ്
തീരമണയുന്ന ജല യാനം
കടൽ ഭൂതങ്ങൾ
കടലിനാഴങ്ങളിലേക്ക്
താഴ്ത്തവെ
കടലിനക്കരെ പോണോരും
മുത്തും പവിഴവും കാക്കുന്ന
കാവൽ ഭൂതങ്ങളും
ചോരക്കടലും
കണ്ണീർക്കടലും
തിരയടിച്ച്
ഒരേ കടലായതെങ്ങനെ?
മുജീബ് റഹ്മാൻ എ
ചിത്രീകണം
സ്റ്റാര്‍ലി. ജി എസ്