അജ്ഞനും പലതവണ പരാജയപ്പെട്ടവനും ഇടയ്ക്കിടെ തകർന്നവനുമാണെങ്കിലും എന്നെക്കളിയാക്കുന്ന ലോകത്തെ ഞാൻ വണങ്ങില്ല.അർത്ഥശൂന്യമായ പൂർണവിരാമമായി ഞാൻ മാറില്ല.

നിങ്ങളുടെ വഴിയിലെ മുള്ളായിരിക്കും ഞാൻ
രക്തമൊലിക്കും വരെ നിങ്ങളുടെകാലിൽ ഞാനടിക്കും.
നിങ്ങളുടെ വേഗം ഞാൻ കുറയ്ക്കും.
നിങ്ങൾ ചിരിക്കുമ്പോൾ ഞാനൊരു തുപ്പലാകും.
നിങ്ങളുടെവിജയാഘോഷങ്ങളിൽ ഞാൻ വിഷം കലർത്തും നിങ്ങളുടെ ധിക്കാരത്തിനു ഞാൻ ചുട്ട മറുപടിയാകും.
നിങ്ങളുടെ വെടിയുണ്ടക്കു പ്രതിക്രിയയായി ഞാനൊരു വെടിയുണ്ടയാകും.
നിങ്ങളുടെയുറക്കത്തിനു ഞാനൊരസ്വസ്ഥതയാകും.
നിങ്ങളുടെ പാലങ്ങൾ ഞാൻ തകർക്കും
നിങ്ങളുടെ കമ്പ്യൂട്ടറുകൾ ഞാൻ ഹാക്ക് ചെയ്യും.
നിങ്ങളുടെ ഷെയർ മാർക്കറ്റുകൾ ഞാൻ കൂപ്പുകുത്തിക്കും.
നിങ്ങളുടെ രഹസ്യസംഗമങ്ങൾ ഞാൻ തടസ്സപ്പെടുത്തും
നിങ്ങളുടെ ഉത്തരവുകൾ ഞാൻ ലംഘിക്കും

ചുറ്റുവട്ടത്ത് കെട്ടിത്തിരിയുന്ന തെണ്ടിക്ക് പിരിച്ചുവിടൽ ഉത്തരവു നൽകാൻ നിങ്ങൾക്കാവില്ല.
എന്നെ നിയന്ത്രിക്കുന്ന ഉത്തരവുകളൊന്നും ഞാൻ പാലിക്കില്ല
.
തെണ്ടലിനൊരറുതി വരുത്താൻ ഞാൻ വിചാരിക്കുന്നു
എന്റെ സന്ദേശം നിങ്ങൾ വായിക്കുക
, വാക്കുകൾ വിട്ടു പോയിരിക്കുന്നു.

ഞങ്ങൾ പിറന്നപ്പോൾ അമ്മമാരുടെ മുലകളിൽ ഒരു തുള്ളി പാലുണ്ടായിരുന്നില്ല’

എങ്ങനെയോ എത്തിപ്പെട്ട് സ്കൂളിൽ പോകാൻ തുടങ്ങിയപ്പോൾ അത് തകർന്നുവീണു.

കൈക്കൂലി നൽകാൻ ജീവനാഡി തന്നെ ഞങ്ങൾ വിറ്റു.

എന്റെ വരുംതലമുറയുടെ പ്രതി നിധി വളരുമ്പോൾ
കരഞ്ഞുകൊണ്ടിരിക്കുന്നു.
തകർന്നടിഞ്ഞ തലമുറകളുടെ ചരിത്രം അവൻ എഴുതിക്കൊണ്ടിരിക്കുകയാണ്.