ഡോ. സിന്ധു അന്തർജ്ജനം
Published: 10 January 2025 കവിത
ഒരു സ്വപ്നത്തിൻ്റെ ശകലങ്ങൾ
ഒരു സ്വപ്നം തുറന്നു വരുന്നു
അരികുകളിൽ ഒഴുകി
കാല്പാദങ്ങളിൽ നിറഞ്ഞ്
കുങ്കുമപ്പൂവിൻ്റെ നിഴലായ്
സന്ധ്യ പോലെ മൃദുവായി
ഇല്ലായ്മ പോലെ കയ്പേറിയത്,
കരിഞ്ഞത്
വാടിപ്പോകുന്ന പൂക്കളുടെ നിറം
സമയത്തിൻ്റെ അന്ത്യശ്വാസത്തിൽ ഇതളനക്കം
നിറങ്ങളുടെ പന്തിഭോജനം
പറയാത്ത വാക്കുകളുടെ സിന്ദൂര ഭാരം,
മറവിയുടെ ശാന്തമായ ചാരനിറം.
ഒടുക്കത്തിനും തുടക്കത്തിനുമിടയിൽ
ചിതറി പോകുന്ന തിരകൾ
സ്ഫടികച്ചില്ലിൽ സൂര്യൻ്റെ അവസാന മുഖം നോക്കൽ
Dr.SINDU ANTHERJANAM
Associate Professor, Department of Malayalam , Sanatana Dharma College , Alappuzha
ചിത്രീകണം
സ്റ്റാര്‍ലി. ജി എസ്